Paul Summers Young

  NOW leiff we þir folk heir lyand all still, as I haf borne on hand, and turn þe cours of our carpyng till Schir Robert the douchty Kyng, þat assemblit baþ fer and neir ane host, quhen þat he wist, but weir,  þat the Kyng swa of Yngland had assegit with stalward hand Berwyk, quhar Walter Steward was. Till purpos with his men he tais, þat he wald nocht sa soyne assale þe Kyng of Yngland wiþ battale, and at his dykis specially, for it mycht weill turn to foly. þarfor he ordanit lordis twa, þe Erll of Murreff wes ane of þa, þe toþir wes þe Lord Dowglas, wiþ fyftene þousand men to pas in Yngland, for till burn and sla, and swa great ryot þar till ma, þat þai þat lay segande þe toune, quhen þai herd þe distructione, þat þai suld intill Yngland ma,  suld be sa dredand, and sa wa for þair chyldir and for þair wyffis, þat þai suld dreid suld leis þar lyffis, and þar gudis alsua, þat þai suld dreid þan suld be had away, þat þai suld leif þe sege in hy, and wend to reskew hastely ...

  How Sir Hughe, þe Spenseres sone, was made þe Kyngus Chamberlain; and of þe bataile of Miton. Capitulo Centesimo Nonogesimo Secundo.  AND hit was nouȝt longe afterward, þat þe Kyng ne ordeynede a parlement at ȝork; and þere was Sir Hugh, þe Spensereȝ sone, made Chamberlein. And in þe menetyme,  while þe werr last, the Kyng went aȝeyne into Scotland, þat hit was wonder forto wete, and bisegede þe toun of Berwik; but þe Scottes went ouer þe water of Solewath, þat was iij mile fram þe Kyngus host,  and priuely þai myght, and sparede no maner þing til þat þai comen to ȝork. And when þe Englisshemen þat were laste at home wist of þis þing,  alle þo þat might trauaile - as wel monkes and prestes and ffreres  and chanons and seculars -  and come and mette wiþ þe Scottes at Miton op Swale, þe xij day of Ottobre. Allas! what sorwe for þe Englisshe hosbonde-men  þat couþe noþing in werr, þere were quellede and drenchede in þe Ryuer Swale. And her chyuetey...